Biblioteca Virtual USC

Bos días!

Benvidos á nosa primeira entrada neste blogue. Hoxe falaremos sobre a Biblioteca Virtual da USC, materia prima de información.

Dentro da páxina web podemos atopar catro bibliotecas distintas: unha física e tres dixitais. A biblioteca física é a denominada Iacobus, a cal funciona como catálogo para atopar materiais nas bibliotecas da universidade: a súa dispoñibilidade, número de exemplares, etc. Á hora de buscar un libro pódese usar a ferramenta de búsqueda avanzada. 

No relativo ás bibliotecas dixitais a primeira coa que nos atopamos é Dialnet: unha das primeiras bases virtuais públicas de datos bibliográficos nas universidades despois do CSIC. 

Despois temos o PreLo, unha plataforma que traballa co libro electrónico, pero que dispón de poucos exemplares debido ao seu elevado custe e escaseza de licencias.

Por último, Minerva: o arquivo histórico universitario, onde podemos atopar teses, traballos de máster, TFGs...

Estes materiais, por desgraza, están pouco valorados polo alumnado. Deberían ser máis empregados posto que son ferramentas moi útiles á hora de documentarse.

Un saúdo.